Parat für chli Gschichts-Untericht?
Aber nöd so langwilig wie i dä Schuel! Bi Bschötti chasch jetzt paar lustigi Stunde im Stübli verbringe. Perfekt füren Polteri, en Firme-Usflug oder für paar Fründe wo was erlebe wönd.
Aber Achtung: Mini Degus sind bitz andersch. Do losisch nöd nur zue, sondern machsch grad no en chline Wettbewerb. Zerst tüend mir euri Gruppe in zwei Teams ufteile, ihr messet eu in verschiedene "Spiel" und s'Gwünner-Team nimmt öpis mit Hai, denn no viel blabla über mi und Bschötti.
Perfekt für Gruppe vo 6 bis 10 Lüüt. (Goht au für ein zwei Nase meh...)
Dini Buechigsmöglichkeite
Bschötti Holzklass:
Du chunsch, losisch zue, spielsch, trinksch und gosch. (ca. 2h)
CHF 55 pro Nase - egal wie gross d'Nase isch (Sust müest ich fast en 1000er zahle).
- Ihr erfahret öpis über mi
- Es git di ganz Bschötti-Gschicht
- Degustiere tüend ihr ab und zue
- Snacks ligget ufem Tisch
- Wettbewerb mit Priise fürs Gwünner-Team
Bschötti Biiisness:
Du chunsch, essisch ä Plättli, losisch zue, spielsch, trinksch, essisch nomol öpis und denn gosch. (ca. 3h)
CHF 75 pro Kopf - am beste ufrunde, denn gibi dir ufen 100er no ä 20er Note zrug.
- s'Gliche wie bi de Holzklass
- Am ahfang ä Aperoplättli (Fleisch- und Chäs us de Region)
- Nocher nomol öpis zum Esse, entweder regionali Pizza oder Würst
Bschötti Stube:
Bruchsch en Platz für ä Sitzig oder sust en chline Ahlass? Ob Gschäft, Privat oder Verein. Bschötti Stube het Platz für bis zu 15 Lüüt.
Priis tüend mir ushandle- mer findet üs.
Details:
- Het en Fernseh für Präsentatione
- Het en Kühlschrank mit Getränk
- Uf Wunsch chani ä Apero-Plättli organisiere.
Jetz unverbindlich ahfroge:
Am beste gisch grad folgendes dure: Ahzahl Persone, gwünschts Datum und weli Variante. Chasch mir au ahlüte went froge hesch: 0786894000